გაცნობებთ, რომ ამა წლის 19 აპრილს გაიმართა კვლევის - რამდენად ეფექტურია ქუჩის ნარკოტესტირება - პრეზენტაცია. ეკონომიკური კვლევის შედეგები წარედგინა დაინტერესებულ პირებსა (სტაკეჰოლდერს) და მედიის წარმომადგენლებს. კვლევა დაფინანსდა ფონდ `ღია საზოგადოება - საქართველოს~ მიერ და განხორციელდა შემდეგი ორგანიზაციების მიერ: დამოკიდებულების კვლევითი ცენტრი “ალტერნატივა ჯორჯია” საქართველოს ახალგაზრდა ეკონომისტთა ასოციაცია კონსტიტუციური უფლებების დაცვის ცენტრი და საქართველოს საზოგადოებრივ საქმეთა ინსტიტუტი. სამეცნიერო ზედამხედველობა განახორციელა ექიმმა და ფილოსოფიის დოქტორმა თომას ზაბრანსკიმ (პრაღის ჩარლზის უნივერსიტეტში ადიქტოლოგიის ცენტრის კვლევითი და განვითარების პროგრამების უფროსი), რომელიც იყო მთავარი მკვლევარი და კონსულტანტი მეთოდოლოგიურად მსგავსი რამდენიმე კვლევის ფარგლებში, რომლებიც განხორციელდა ჩეხეთის მთავრობის, ჩეხეთის სამეცნიერო სააგენტოების და საერთაშორისო ორგანოების დაკვეთით. კონსულტაციები რესპონდენტზე ორიენტირებული შერჩევის მეთოდის გამოყენებით მონაცემების შეგროვების, დამუშავებისა და მიღებული შედეგების ინტერპრეტაციასთან დაკავშირებით გასწია საერთაშორისო ფონდმა კურაციომ. 2006 წლის შემდეგ ქუჩაში პოლიცია ყოველწლიურად აკავებს დაახლოებით 50 000 ადამიანს და ამოწმებს ნარკოტიკის მოხმარებაზე. ნარკოტიკებზე ტესტის დადებითი პასუხის შემთხვევაში დაკავებულს ემუქრება დიდი ჯარიმა ან პატიმრობა. ამ პოლიტიკის ლოგიკა ასეთია: მკაცრი სადამსჯელო ზომები (ა) უბიძგებს ნარკოტიკის მომხმარებელს, შეწყვიტოს ნარკოტიკის მოხმარება და (ბ) იცავს ბავშვებს და მოზარდებს აკრძალული ნარკოტიკული საშუალებების გასინჯვისაგან. მიუხედავად ამისა, ამ პოლიტიკის მოწინააღმდეგეები მუდმივად ამტკიცებენ, რომ “ნადირობა” ათასობით ადამიანზე ტესტის ჩატარების მიზნით არავითარ ან უმნიშვნელო ზემოქმედებას ახდენს ნარკოტიკების მოხმარების მასშტაბებზე. კვლევაში შესული შეკითხვები ა) რა თანხა დახარჯა 2008 წელს საქართველომ ნარკოტიკის მოხმარებაზე რანდომული ტესტების ჩატარების ღონისძიებაზე ქუჩის პირობებში და შემდგომ საკანონმდებლო ზომებზე? ბ) რა გავლენა მოახდინა ნარკოლოგიურმა შემოწმებამ ნარკოტიკების მომხმარებლებზე მათი ნარკოკარიერის, მოხმარების წესისა და მოხმარებასთან დაკავშირებული დაავადებების თვალსაზრისით? გ) რა მიზნების მიღწევა იქნებოდა შესაძლებელი ა) პუნქტში მითითებული თანხები ოპიოიდური ჩანაცვლებითი თერაპიის ან სხვა სამკურნალო და პრევენციული ზომების განხორციელებაზე რომ დახარჯულიყო? დასკვნები კვლევის შედეგები ცხადჰყოფს, რომ ნარკოტიკების მომხმარებელთა დასჯა და დაპატიმრება საქართველოში ახდენს უმნიშვნელო (ან არავითარ) გავლენას ნარკოტიკებთან დაკავშირებულ ქცევაზე და წარმოადგენს ძალოვანი სტრუქტურების და სასამართლო სისტემის ისედაც შეზღუდული რესურსების არაეფექტურ ხარჯვას. სადამსჯელო ზომების შედეგად, რომელთაც ანალოგი არ გააჩნიათ განვითარებულ დემოკრატიულ ქვეყნებში, არ მოხდა ნარკოტიკების მოხმარების შემცირება. ამ ზომებმა შედეგად გამოიღო 1 605 პირის კრიმინალიზაცია. ფულად ზარალს ემატება ის არამატერიალური ხარჯები, რომელთა ფულადი ფორმით გამოსახვა არ ხერხდება (ბაზრის მეორეული შედეგები, დამცირება, რომელიც გადაიტანეს პირებმა შემოწმების შედეგად, ოჯახის წევრების განცდები, ნარკოტიკების მომხმარებელთა კრიმინალიზაცია და სხვ.). გარდა ამისა, შესწავლილი ინტერვენციის (ქუჩის ნარკოტესტირება) ნულოვანი ზემოქმედების გათვალისწინებით შეგვიძლია განვაცხადოთ, რომ პოლიციის ორი სამსახურის (საპატრულო და კრიმინალური) ორიენტირებამ ქუჩაში ახალგაზრდებზე “ნადირობაზე”, მათ (და სხვა სამართალდამცავ ორგანოებსაც) დააკარგვინა ძვირფასი რესურსები, რომელთა გამოყენებაც დანიშნულებისამებრ – საზოგადოებრივი წესრიგისა და უსაფრთხოების მიზნით - უფრო უპრიანი იქნებოდა. კვლევის შედეგები და შემუშავებული რეკომენდაციები, რომლებიც დაინტერესებულ პირებს წარედგინათ, იხილეთ თანდართულ პოლიტიკის დოკუმენტში. კვლევის საბოლოო ანგარიში (მათ შორის სამეცნიერო) ამა წლის მაისში იქნება ხელმისაწვდომი. ზემოთ ხსენებული ორგანიზაციები, რომლებიც კვლევაში იღებდნენ მონაწილეობას, უახლოეს მომავალში გეგმავენ სახელმწიფო ბიუჯეტის ფორმირების პროცესში მონაწილეობის მიღებას, რაც საბოლოოდ გამოყენებული ინქნება როგორც მყარი ეკონომიკური არგუმენტი შემდგომი ადვოკაციისთვის. პატივისცემით, დავით ოთიაშვილი დირექტორი კავშირი ალტერნატივა ჯორჯია

კვლევის შედეგები შეგიძლიათ იხილოთ აქ

რადიო თავისუფლების დილის გადაცემის სტუმარი იყო დავით ოთიაშვილი, ”ზიანის შემცირების საქართველოს ქსელის” ხელმძღვანელი.

ორგანიზაცია ცდილობს პოლიტიკოსები დაარწმუნოს ნარკოპოლიტიკის ლიბერალიზაციის საჭიროებაში, რისთვისაც ბოლო დროს არაერთი შეხვედრა გამართა. დავით ოთიაშვილმა მსმენელს შეახსენა, რომ ”ზიანის შემცირების საქართველოს ქსელმა” 58 ათასი მოქალაქის მხარდაჭერის საფუძველზე პარლამენტში ჯერ კიდევ 2008 წლის დეკემბერში შეიტანა საკანონმდებლო ინიციატივა, რომელიც 5 კანონში ითვალისწინებს ცვლილებების შეტანას, რომელთა მიზანი ნარკოტიკების მომხარებელთა დეკრიმინალიზაციაა. არც ამ არასამთავრობო ორგანიზაციის და არც პარლამენტის ვიცე-სპიკერ გიგი წერეთლის მიერ წარდგენილი საკანონმდებლო ინიციატივა დღემდე არ განხილულა. ოთიაშვილი თვლის, რომ უპრიანი იქნებოდა ნარკოტიკების პირადი მოხმარებისთვის მცირე რაოდენობის ფლობის გამო პირის დაკავებისა და ციხეში ყოფნის ხარჯი ასეთი ადამიანების მკურნალობას მოხმარდეს.

წყარო: http://www.tavisupleba.org/content/article/1993108.html

აუდიო: http://www.tavisupleba.org/audio/audio/262212.html

ქსელის მედია– კოორდინატორი, მარინა ასათიანი, გვატყობინებს:

2010 წლის 24 მარტს, საქართველოს პარლამენტში ზიანის შემცირების საქართველოს ქსელის წარმომადგენლები შეხვდნენ ფრაქცია "ქრისტიან-დემოკრატების" წევრებს. შეხვედრა `"ზიანის შემცირების საქართველოს ქსელის~ ორგანიზაციული პოტენციალის გაზრდის~ პროექტის ფარგლებში  გაიმართა და მიზნად ისახავდა პარლამენტში ქსელის მიერ წარდგენილი საკანონმდებლო ინიციატივის მხარდაჭერის მოპოვებას.

ქრისტიან-დემოკრატების~ აზრით ნარკომანიის დასაძლევად უნდა არსებობდეს კომპლექსური მიდგომა. კერძოდ, ნარკორეალიზატორების მიმართ საჭიროა კანონის გამკაცრება, ხოლო კანონი მომხმარებლების მიმართ უფრო ლიბერაური უნდა გახდეს.

ქრისტიან-დემოკრატებს მიაჩნიათ, რომ ნარკოტიკების მოხმარებასთან დაკავშირებულ საკითხებზე სახელმწიფომ კომპლექსური მიდგომა და სტრატეგია უნდა ჩამოაყალიბოს და ამ პროცესში დასავლეთის გამოცდილებაც უნდა გაიზიაროს. ასევე, ნარკოტიკების მომხმარებლებს უნდა ჰქონდეთ ფართო სპექტრის მომცველი მკურნალობის შესაძლებლობა.

უახლოეს მომავალში გაიმართება ფრაქციის გაფართოებული შეხვედრა და საკანონმდებლო ინიციატივის საჯარო განხილვაც მოეწყობა, სადაც, აგრეთვე, მიწვეული იქნებიან სხვადასხვა უწყებების წარმომადგენლები.

ამჯერად წარმოგიდგენთ შემდეგი ტელეკომპანიების სიუჟეტებს:

1. 1.      „საზოგადოებრივი მაუწყებელი“
2. 2.      „იმედი“
3. 3.      „მაესტრო“
4. 4.      „კავკასია“

 გთხოვთ, იხილოთ ლინკი: http://geohrn.blogspot.com/2010/03/blog-post_24.html

26–27 თებერვალs

ჩატარდა ზიანის შემცირების III ეროვნულ კონფერენცია.

კონფერენციამ ჩაიარა წარმატებულად და ფართოდ გაშუქდა მასმედიის საშუალებებით. ამჟამად არსებული მასალის ტექნიკური წუნის გამო შეგვიძლია მოგაწოდოთ მხოლოდ ერთი სიუჟეტი. და კონფერენციის მსვლელობის ამსახველი ფოტოები. ასევე ის დასკვნები, რომელიც გამოტანილ იყო კონფერენციის მიერ

ქ. თბილისი, 27 თებერვალი, 2010 წელი

ნარკოტიკების არასამედიცინო მოხმარებით გამოწვეული ზიანის შემცირების მესამე ეროვნული კონფერენციის დასკვნები

2010 წლის 26-27 თებერვალს ქ. თბილისში, სასტუმრო დ’პლაზაში გაიმართა ნარკოტიკების არასამედიცინო მოხმარებით გამოწვეული ზიანის შემცირების მესამე ეროვნული კონფერენცია. კონფერენცია დაფინანსდა ფონდ ,,ღია საზოგადოება – საქართველოსა” და შიდსთან, ტუბერკულოზთან და მალარიასთან ბრძოლის გლობალური ფონდის მიერ. ღონისძიებას ორგანიზება გაუკეთა ზიანის შემცირების საქართველოს ქსელმა.

2-დღიანი მუშაობის შედეგად გამოიკვეთა, რომ: 

• კომპლექსური, მრავალდონიანი, ადამიანის უფლებებზე დაფუძნებული, ნარკოპოლიტიკის ეფექტური სახელმწიფო სტრატეგიის ქონა დღეისათვის ქვეყნის გადაუდებელი პრიორიტეტია;
• იმისათვის, რათა საქართველოში ნარკოტიკებზე მოთხოვნის, მოწოდებისა და ზიანის შემცირების მიმართულებით მტკიცებულებაზე დაფუძნებული მიდგომები, სტრატეგია, სტრატეგიის შესაბამისი სამოქმედო გეგმა და ჩარევები ხორციელდებოდეს, აუცილებელია შესაბამისი საინფორმაციო სამსახურის შექმნა, რომელიც გააერთიანებს/გააანალიზებს/გაავრცელებს სხვადასხვა უწყებების მიერ მოწოდებულ შესაბამის ინფორმაციას და სამეცნიერო კვლევის მონაცემებს;
• აუცილებელია კვლევის წარმოება რეგულარულად, რათა უზრუნველყოფილი იყოს არა მარტო სტრატეგიის ერთჯერადი შემუშავება, ან ამა თუ იმ სერვისის დაწყება, არამედ აგრეთვე მათი რეგულარული მონიტორინგი ოპტიმიზაციის მიზნით. ამისათვის საჭიროა კვლევის ინსტიტუციური მექანიზმების შექმნა;
• აუცილებელია პარლამენტში განსახილველად შეტანილი კანონპროექტების გადაუდებელი განხილვა, ამ განხილვაში ზიანის შემცირების საქართველოს ქსელისა და სხვა შესაბამისი არასამთავრობო ორგანიზაციების მონაწილეობა, რათა ქვეყანაში ნარკოტიკების მოხმარების საბაბით ადამიანის უფლებათა შელახვის რისკის მაქსიმალური შემცირება მოხდეს და ადამიანის უფლებებზე დაფუძნებული ეფექტური სტრატეგიის დაგეგმვისა და განხორციელებისათვის კეთილსაიმედო საკანონმდებლო გარემომ იარსებოს;
• ზიანის შემცირების საქართველოს ქსელის მუშაობის ამჟამინდელი პრიორიტეტებია:

  ა. კუსტარულად დამზადებული სტიმულატორების მოხმარებით მიყენებული ზიანის შემცირების სტრატეგიისა და ტაქტიკის შემუშავება;

  ბ.ციხეებში ზიანის შემცირების პროგრამების სრულფასოვანი დანერგვა; საწყის ეტაპზე (სანამ შესაბამისი საკანონმდებლო ცვლილებები განხორციელდება) – მათი პილოტირება;

  გ. ზედოზირებით გამოწვეული სიკვდილობის რისკის მინიმიზაციის მიზნით ადვოკატირების სტრატეგიის შემუშავება და ცხოვრებაში გატარება;

  დ.  ქალ-მომხმარებელთა საჭიროებების სათანადო საპასუხო ღონისძიებების დაგეგმვა და განხორციელება;
  ე. ზიანის შემცირების პრიგრამების დაფარვის არეალის გაზრდა
  (გეოგრაფიული, ასაკობრივი, გენდერული და ა.შ.);

  ვ. მკურნალობის უწყვეტი ჯაჭვის ჩამოყალიბებაზე ზრუნვა მასში ახალი რგოლების (მაგ. ფსიქოსოციალური რეაბილიტაცია) ამოქმედების გზით;

  ზ. ჩ ჰეპატიტის მკურნალობის ხელმისაწვდომობისათვის ლობირებისა და ადვოკატირების სტრატეგიის შემუშავება და განხორციელება;

  თ. ადვოკატირება ნარკოკანონმდებლობის ცვლილების განხორციელებისათვის.

• ამ პრიორიტეტების განსახორციელებლად ზიანის შემცირების საქართველოს ქსელისათვის უაღრესად მნიშვნელოვანია ფონდ ,,ღია საზოგადოება – საქართველოსა” და შიდსთან, ტუბერკულოზთან და მალარიასთან ბრძოლის გლობალური ფონდის მხარდაჭერა, ისევე როგორც თანამშრომლობის მზაობა საქართვლოს პარლამენტის ჯანდაცვისა და სოციალურ საკითხთა კომიტეტის, შრომის, ჯანმრეთლობისა და სოციალური დაცვის სამინისტროს, სასჯელაღსრულების, პრობაციისა და იურიდიული დახმარების საკითხთა სამინისტროს, ჯანმრთელობის მსოფლიო ორგანიზაციის, UNAIDS-ის და USAID-ის მხრიდან, რაც შემდგომი კონსტრუქციული გარდაქმნებისათვის  აუცილებელ ერთობლივ პლატფორმას უზრუნველყოფს;
• მნიშვნელოვანია ჯანმრთელობის მსოფლიო ორგანიზაციის მიერ შემუშავებული მკურნალობის სახელმძღვანელო პრინციპების სრულფასოვნად გათვალისწინება ქართულ სინამდვილეში, მკურნალობის მიდგომების როგორც ორგანიზაციულ დაგეგმვაში, ასევე უშუალო განხორცილებაში; ამ მხრივ გადასახედია თანადაფინანსების პრინციპით მიმდინარე მეთადონით ჩანაცვლებითი თერაპიის პროგრამის მოდელი;
• მნიშვნელოვანია არსებული სერვისების მდგრადობის უზრუნველყოფა სახელმწიფო სტრუქტურებში მათი ინკორპორირებისა და/ან სახელმწიფო დაფინანსებით მათი უზრუნველყოფის გზით;
• დარგში სატრატეგიის შემუშავების, სამოქმედო გეგმის დასახვის, სერვისების დაგეგმვისა და განხორციელების საქმეში აუცილებელია პრობლემის მატარებელთა (დამოკიდებულ პირთა) მონაწილეობა.

18 თებერვალი

25, 26 დეკემბერი, 2009

ზიანის შემცირების დარგში მომუშავე სოციალური მუშაკებისთვის წავკისში 2009 წლის 25 და 26 დეკემბერს ჩატარდა ტრენინგი. მოწვეული იყვნენ წამყვანი კვალიფიციური ექსპერტები: გვანცა ფირალიშვილი - ექიმი ნარკოლოგი, სამედიცინო სოციალურ-ეკონომიკურ და კულტურულ საკითხთა ცენტრ “ურანტის” მეთადონით ჩანაცვლებითი თერაპიის განყოფილების მკვლევარი და ფატი გაბუნია - ინფექციონისტი, ინფექციური პათოლოგიის, შიდსისა და კლინიკური იმუნოლოგიის ს/პ ცენტრისბოქსირებული განყოფილების უფროსი. აღნიშნული ტრენინგი ჩატარდა ფონდ "ღია საზოგადოება- საქართველოს" ფინანსური მხარდაჭერით.

ტრენინგებზე წარმოდგენილ მასალებსა და პრეზენტაციებს შეგიძლიათ გაეცნოთ შემდეგ ბმულებზე:

1. ტრენინგის კურიკულუმი
2. A, B da C virusuli hepatitebi – ფატი გაბუნია
3. toqsiuri hepatitebi – – ფატი გაბუნია
4. ჩანცვლებით თერაპიის პრინციპები – გვანცა ფირალიშვილი
5. უსაფრთხო ინიექცია, ვენების მოვლა – ირმა კირთაძე
6. nervuli ujredi, tvini centralur nervul sistemaze narkotikul saSualebaTa zemoqmedeba– ირმა კირთაძე
7. Философия снижения вреда – Адвокация Снижения Вреда в Центральной Азии Бишкек, Кыргызская Республика
8. Почему снижение вреда? – Адвокация Снижения Вреда в Центральной Азии Бишкек, Кыргызская Республика
9. Снижение вреда вызванного употреблением наркотиков и общественное здравоохранение – Адвокация Снижения Вреда в Центральной Азии Бишкек, Кыргызская

ა/ო “ახალი ვექტორი”
პროექტი - `თვითდახმარების ჯგუფის სტრატეგიული სამოქმედო გეგმა~
(ფონდ `ღია საზოგადოება – საქართველოს~ ფინანსური მხარდაჭერით);
21/12/2007წ  -  21/02/2008წ

პირველად საქართველოში, პროექტის `თვითდახმარების ჯგუფის სტრატეგიული სამოქმედო გეგმა~ ფარგლებში 2008 წლის 9-10 თებერვალს შედგა შეხვედრა ჩვენს თვითორგანიზაცია “ახალი ვექტორი”, რეგიონალურ თვითორგანიზაცია “ანგი 2007” და  საინიციატივო ჯგუფებს შორის, რომელთა წარმომადგენლებიც არიან ნარკოტიკების მომხმარებლები.
შეხვედრას ესწრებოდა 20 ნარკოტიკების მომხმარებელი. მონაწილეების მიერ ჩამოთვლილ იქნა ის საკითხები, რომლებიც მათი თვალსაზრისით არის უმნიშვნელოვანესი მათი ცხოვრების შესაცვლელად და უფლებების დასაცავად. ეს საკითხები შეჯერებულ იქნა და საბოლოოდ ჩამოყალიბდა სტრატეგიული გეგმა ეფექტური ადვოკაციის განსახორციელებლად (2008-2011წ). "სტრატეგიული გეგმა ეფექტური ადვოკაციის განსახორციელებლად 2008-2011წ" ixileT aq

2009 წლის 16 და 17 ოქტომბერს

ზიანის შემცირების საქართველოს ქსელმა გლობალური ფონდის პროექტის –„აივ/ შიდსის პრევენციის, მკურნალობის, მოვლისა და მხარდაჭერის ღონისძიებების გაფართოება“ გამოსცა ჯანდაცვის მსოფლიო ორგანიზაციისა და გაეროს აივ/შიდსის დეპარტამენტის  მიერ შემუშავებული დოკუმენტები:

1. სამკურნალო-პროფილაქტიკური დაწესებულებების მედიცინის მუშაკთა ინიციატივით აივ-ტესტირებისა და 
   კონსულტირების საკითხების შესახებ 

2. მითითებები ნემსებისა და შპრიცების გაცვლის პროგრამების დანერგვისა და მართვის შესახებ

"საყოველთაო ხელმისაწვდომობა და ადამიანის უფლებები’’

შიდსთან ბრძოლის საერთაშორისო დღე - 1 დეკემბერი, 2009 წელს გაეროს გადაწყვეტილებით ტარდება შემდეგი სლოგანით: საყოველთაო ხელმისაწვდომობა და ადამიანის უფლებები.

ზიანის შემცირების საქართველოს ქსელმა 2009 წლის 30 ნოემბერს, საქართველოს სახალხო დამცველის ოფისში გამართა პრესკონფერენცია, რომელიც შიდსთან ბრძოლის საერთაშორისო დღეს მიეძღვნა.

ქსელი შეუერთდა გაეროს მაღალი რანგის წარმომადგენელთა მოწოდებას იმის თაობაზე, რომ აივ/შიდსის პრევენციის და მკურნალობის საყოველთაო ხელმისაწვდომობა შეუძლებელია ნარკოტიკების მომხმარების დეკრიმინალიზაციის გარეშე:

პან გი მუნი, გაეროს გენერალური მდივანი – ,,მაშინ როდესაც მოწყვლადი ჯგუფების კრიმინალიზაცია ხდება მათი ცხოვრების სტილის გამო, კანონმდებლობა შესაძლოა გარკვეულ ბარიერს წარმოადგენდეს საყოველთაო ხელმისაწვდომობის გაზრდასთან მიმართებაში".
მიშელ სიდიბე, გაეროს აივ/შიდსის გაერთიანებული პროგრამების (UNAIDS) აღმასრულებელი დირექტორი
,,ნარკოტიკების მომხარებელთა კრიმინალიზაცია უნდა შეწყდეს; დამოკიდებულება არა კრიმინალი, არამედ დაავადებაა, რომელსაც მურნალობა ესაჭიროება".

მიშელ კაზაჩკინი, შიდსთან, ტუბერკულოზთან და მალარიასთან ბრძოლის გლობალური ფონდის აღმასრულებელი დირექტორი – ,,კვლავ და კვლავ უნდა ვაჩვენოთ, რომ ნარკოტიკების მომხმარებლებთან ყველაზე უკეთ საზოგადოებრივი ჯანმრთელობის ღონისძიებები მუშაობს. სადამსჯელო ღონისძიებები, რომელთაც ძალოვანი სტრუქტურები ახორციელებენ და, რომლებიც მათ რესურსებს ფიტავს, მძიმე ტვირთად აწვება სასამართლო და სასჯელაღსრულების სისტემებს".

ანტონიო მარია კოსტა, გაეროს ნარკოტიკულ საშუალებათა და დანაშაულის სამმართველოს  (UNODC) აღმასრულებელი დირექტორი – ,,ნარკოტიკებზე დამოკიდებულება ჯანმრთელობასთან დაკავშირებული მდგომარეობაა: ადამიანებს, რომლებიც ნარკოტიკებს მოიხმარენ სამედიცინო დახმარება ესაჭიროებათ და არა დასჯა."

დღეისათვის საქართველოში  ოფიციალურად რეგისტრირებულია აივ/შიდსის 2204 შემთხვევა. მათგან 59.5% დაკავშირებულია ნარკოტიკების ინექციურ მოხმარებასთან. ეპიდემიის ეფექტური პრევენცია ზუსტად ამ ყველაზე მაღალი რისკის ჯგუფთან მუშაობით არის შესაძლებელი. არსებული კანონმდებლობის გამო რთულდება, და ხშირად შეუძლებელი ხდება, ამ ადამიანებთან კონტაქტის დამყარება და არსებული სერვისების მიწოდება

“კონსტიტუციურ უფლებათა დაცვის ცენტრის” და “ახალი ვექტორის” ორგანიზებით გაიმართა ღონისძიება, სადაც მოხდა პროექტის
 “ნარკოტიკების მომხმარებელთა ინტერესების დაცვა და უფლებების ადვოკაცია” ფარგლებში ჩატარებული კვლევის პრეზენტაცია. 

პროექტის შესახებ – “ნარკოტიკების მომხმარებელთა ინტერესების დაცვა და უფლებების ადვოკაცია”- ფინანსური მხარდაჭერა – 
“ფონდი ღია საზოგადოება საქართველო”
პროექტის მიზანი - სახელმწიფოს მიერ ნარკოპოლიტიკის სწორი კურსის ჩამოყალიბების ხელშეწყობა საზოგადოებრივ 
აზრზე ზემოქმედების გზით 

პროექტი განხორციელდა 2009 წელს 

პროექტის “ნარკოტიკების მომხმარებელთა ინტერესების დაცვა და უფლებების ადვოკაცია” მიზნის მისაღწევად, რომელიც გულისხმობს 
სახელმწიფოს მიერ ნარკოპოლიტიკის სწორი კურსის ჩამოყალიბების ხელშეწყობას საზოგადოებრივ აზრზე ზემოქმედების გზით, 
განხორციელდა შემდეგი ღონისძიებები:

1. თვისობრივი კვლევა, ინტერვიუირების მეთოდის გამოყენებით (სამართალდამცავებთან, სამედიცინო პერსონალის წარმომადგენლებთან, ნარკოტიკების მომხმარებლებთან და მათი ოჯახის წევრებთან);
2. რაოდენობრივი კვლევის ინსტრუმენტის-კითხვარის შემუშავება და მოქმედებაში ჩაშვება;
3. ტრენინგები სოციალური მუშაკებისთვის;
4. ტრენინგები თანაბარგანმანათლებლებისთვის;
5. საინფორმაციო მასალების მომზადება, გამოცემა, გავრცელება;
6. სოციალური ვიდეორგოლის მომზადება, ტრანსლირება;
7. თანამშრომლობა უფლებადამცველ და სერვისულ ორგანიზაციებთან;
8. იურიდიული კონსულტაციები;
9. რაოდენობრივი სოციოლოგიური კვლევა;
10. კვლევის პრეზენტაცია.

პროექტის ფარგლებში ჩატარებულ კვლევის რაოდენობრივი და თვისობრივი შედეგების გასაცნობად დააწკაპეთ ბმულებზე

ზიანისSემცირების ქსელმა საქართველოს პარლამენტში შეიტანა მის მიერ შემუშავებული კანონპროექტი `ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ” საქართველოს კანონში ცვლილებებისა და დამატებების შეტანის შესახებ. კანონპროექტის ინიცირებისათვის აუცილებელია შეგროვდეს 30000 მოქალაქის ხელმოწერა. ამისთვის გვაქვს არასრული 45 დღე.

დღეიდან დავიწყეთ ხელმოწერების შეგროვება. კანონპროექტის ძირითად დებულებებს და მოკლე ახსნა განმარტებებს შეგიძლიათ გაეცნოთ აქ

კანონპროექტის უშუალო ტექსტისა და განმარტებითი ბარათების გაცნობა შეგიძლიათ ქვემოდმოყვანილი ბმულების მეშვეობით.

• ”ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ~ საქართველოს კანონში ცვლილებებისა და დამატებების შეტანის შესახებ
  • განმარტებითი ბარათი ,,ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ" კანონში ცვლილებების და დამატების შეტანის თაობაზე
• საქართველოს ადმინისტრაციულ სამართალდარღვევათა კოდექსში ცვლილებებისა და დამატებების შეტანის შესახებ
  • განმარტებითი ბარათი საქართველოს ადმინისტრაციულ სამართალდარღვევათა კოდექსში ცვლილებებისა და დამატებების შეტანის შესახებ
• საქართველოს სისხლის სამართლის კოდექსში ცვლილებებისა და დამატებების შეტანის შესახებ
  • განმარტებითი ბარათი საქართველოს კანონის პროექტზე "საქართველოს სისხლის სამართლის კოდექსში ცვლილებების და დამატებისშეტანის თაობაზე~
• ნარკოტიკული დანაშაულის წინააღმდეგ ბრძოლის შესახებ` საქართველოს კანონში ცვლილებებისა და დამატებების შეტანის შესახებ
  • განმარტებითი ბარათი,,ნარკოტიკული დანაშაულის წინააღმდეგ ბრძოლის შესახებ" საქართველოს კანონში ცვლილებების შეტანის შესახებ
• უკანონო მფლობელობიდან ან ბრუნვიდან ამოღებული ნარკოტიკული საშუალებების, ფსიქოტროპული ნივთიერებების და უშუალო პრეკურსორების მცირე, დიდი და განსაკუთრებით დიდი ოდენობების ნუსხა

20-21 ოქტომბერი

ზიანის შემცირების II ეროვნული კონფერენცია

ამა წლის 20-21 ოქტომბერს, 9 საათზე სასტუმრო ,,ვერე პალასში” გაიმართება ზიანის შემცირების II ეროვნული კონფერენცია. კონფერენციის ორგანიზატორები არიან ზიანის შემცირების საქართველოს ქსელი, ფონდი ,,ღია საზოგადოება-საქართველო”. კონფერენცია ტარდება ევროკავშირის, ფონდი ,,ღია საზოგადოება საქართველო” და შიდსის, ტუბერკულოსისა და მალარიის წინაარმდეგ ბრძოლის გლობალური ფონდის მხარდაჭერით.

ზიანის შემცირების II ეროვნული კონფერენციის პრეს-რელიზი შეგიძლიათ იხილოთ აქ.